過大海上集之「賭神有朱古力 E神有香口膠！」

趁著重陽節小小地一日假，又見酒店有 promotion，跟 EC 去澳門看她一直很想看的「水舞間」，順便住番晚！澳門自我回歸香港後都去過三五七次，所以除了看 show 外，就只是食和賭。小弟日日縱橫全球最大的賭場「388」，所以對於入賭場賭錢，認真只抱著小賭宜情去 hea 吓的心態。每次入一間賭場之後，用最多時間的不是在賭檯上搏殺，而是遊走整個賭場去找最平的那幾張檯！哈哈！(自嘲) 入得賭場，大家都知道人家莊的贏面在統計學上是食硬你！因此我比較喜歡有選擇權和 / 或可以自己「甩吓牌」的玩意，起碼輸了錢都叫做曾過過手癮。所以通常我會玩 Caribbean Stud Poker。 Caribbean Stud Poker 的詳細玩法，請讀文章後節錄自《蘋果》的介紹。簡單來說，就有如你睇《賭神》玩話事啤，你跟莊家每人5隻牌鬥大。你睇牌後，牌差可以選擇投降輸一半，但如果你去馬，而莊家開牌發現手上最大都是連A+K都無的話，最終亦可以自動投降 (不成局) 輸一半 (這就是賭場贏面大過你的地方，因為基本上它要有一對或以上才跟你隻揪)。如果閒家揸特別靚牌如三條、同花，會贏得到比平常一賠一大 (三條是一賠三，同花是一賠五)，不過大前題是要成局，不成局的話你揸4條A都無用！講多無謂，落場打真軍試試我的手氣！不試由至何，一試就勁啦！玩10鋪都開唔到齋！一係牌差自己投降，一係自己手揸三條但莊家不成局！很快手我的本錢就被陰乾了一半。見手氣咁差我就叫 EC 玩，我睇。她一落場立即殺了莊家兩鋪，頭威頭勢！同檯的香港人 (係呀，玩細注碼檯的當然是香港人啦！) 就潤我一句：「靚女坐落嚟係唔同D！」(我苦笑) 到第三鋪，荷官洗牌之時，我無所事事就由褲袋拿了包香口膠，EC 隨手拿了兩粒 (大家記住「兩粒」，係兩粒！將會是故事的關鍵) 派完牌，EC一拿牌上手時我已偷偷見到頭兩隻牌是 pair King。我心諗：「應該又有得贏啦！」EC 疊好牌，開始一隻一隻在牌的左上角甩。頭兩隻是 pair King，我早見到。第三隻… KING！正！第四隻…… KING！！！！！ OH MY FCUKING GOD！咁即係4條 KING？！咁能勁？唔係呀化？？？我們看到那第四隻 King 時那種震撼程度，真的真的是不能用筆墨形容！我個心就似玩過山車一開始向下衝時離一離，腦海裡有0.5秒的時間是見到4條King但 process 唔到，0.5秒後才回魂發覺：是4條KING呀！！第五隻牌係乜？還重要咩？我隻眼馬上向檯右邊的遊戲規則瞄一瞄，4條的賠率是：1賠20！！Hurray~~~ 但問題是如果莊家不成局的話，那1賠20就會化為烏有！我肉緊地搣一搣 EC […]

大表哥

我是一個差勁的觀眾，因為我睇完 show好快就唔記得；我又是一個最理想的觀眾，因為唔記得就即是要再買飛睇過！=P 還好，我不記得內容都還記得那種感覺，它會告訴我哪個是值得我再付那$320！所以，如果 Kearen 你在讀這 blog 的話，sorry 我真的忘記你之前3套劇是講什麼了，我相信過一段時間我又會忘記《Tiffany》是講什麼。不過，當你的第5套獨腳戲出爐時我還是會頭兩天就撲上網買飛，正如我撲了飛看你的第4套獨腳戲《Tiffany》。還有，我常常忘了究竟是 Kearen 還是 Kaeren？(ops… 又唔鬼記得咗…) 每次都是要 trial & error 才「search」到你！但我一定會將以下這段出其不意的對話，由 short term memory 植入去 long term memory！Thanks for the surprise~~~ RRRRRRIGHT？ K: Kearen aka Tiffany P: Plato aka 大表哥 E: Elaine aka 大表嫂 K: 今晚都好多親戚朋友來呀！(向台下四處張望) 不過第一行無人著粉紅色嘅，你哋無睇張帖呢？因為阿欣好鍾意粉紅色，所以佢都希望今晚的賓客可以著粉紅色… (目光再由左至右掃過來… 停了在我身上) 大表哥？你係大表哥！認唔認得我呀？阿欣6歲時侯個生日會我哋見過啦~ P: [事發突然，但我仍保持冷靜] 唔認得… K: 梗係啦，我靚左呀嘛！大表哥就著得一個良好示範，粉紅色 polo，你一定係睇咗封請帖。大表哥，可唔可以企起身俾大家睇下？ […]

me @ PK Parking

話說上星期五我等位食晚飯時上 facebook，看見一張有3架車的照片中，正中間那車跟我的小白有7分相似，好奇心驅使下我就 click 入去望望啦。相中的旁白說：「正一百佳負資產，我覺得有點on 9！司機門被136個位頂住就過癮啦」好明顯，我 share 得就因為我就是那個負資產 + on 9 + 百佳的那一位！無論我跟那一位朋友說起這件事，不論他們是多麼的同情我無啦啦被人數臭一頓，最後都會加上一句：「咁你又真係泊得幾衰嘅！」即係咁，小弟不是要為自己泊得衰平反，但至少讓我講故事訴說 (not even 解釋) 當天的情景…… 話說上星期的某日，小弟因為公事做紅娘約了兩個朋友在中環介紹給雙方認識。在中環泊車小弟認為最好就是泊香港站 — 不用怕塞車、「泊車轉乘」又只是盛惠每小時16大洋。當天我是遲了一點，所以入到停車場見到這個就在大堂出口旁邊的空位，我就快快脆泊車。倒車入位時，我只是留意著我跟「136」之間有多少空位；既然感覺到有非常充裕的空間讓我開車門落車，我就當泊好了。下了車回頭一看，才發現原來自己是擇界了 — 「136」泊得太好，所以雖然我擇晒界都仍然有很寬敞的空間上落車！而且從照片中你可以看到，香港站的位真的很寬闊 (另一個原因推介你泊香港站！)，所以我才可以泊得咁衰都無事。當時我有一刻的衝動想重新泊好，但礙於自己已經遲到 — 你知啦，做紅娘遲了兩位朋友各不相識要他們戇居居等我就不太好啦，又見「136」都有足夠空間上車啦！所以一念之差就急急腳走了，鑄成今天無啦啦被三九唔識七的人 diu 爆的慘況！ PKParking @ Facebook：https://www.facebook.com/PKParking

黃子華，都是你的錯？

十月八日晴今天是去看香港棟篤笑王子黃子華「洗燥」show 的大日子！今次他由坐得4000多人的灣仔伊館，移師有12000多位的紅館！還要是連開10場，可以講是香港棟篤笑最勁抽的一次！平日去紅館睇演唱會多，例牌不到八點九不開場。但棟篤笑… 應該無乜需要準備，不用八點九先開場吧… 醒目的我事先問好已去笑餐死的朋友仔：「喂，黃子華幾點開場呀？」「八點三左右好入場啦！唔係會 miss 咗個 video，好好笑呀！」收到！為了不用餓住睇 show，就要將 show 前食飯的時間推前一點，七點在紅館旁邊的國際都會廣場等啦！ 7:02pm 到達國際都會廣場，好想食上海菜，去後面那間上海飯店先 7:05pm 哦… 原來間舖叫《又一店小籠包》，門口已經見人龍，不過我照樣先登記。望見張登記紙，嘩… 要等成員七、八張枱，等到都不夠時間食啦！ 7:09pm 上一層去 food court，心想坐住等其他人來。入到 food court… 從未見過咁人山人海，咩事呀？！每個店前起碼排了十多人，我都不知道我應該先等位還是先叫食物？距離開 show 只有一個小時，又唔遲得… 我決定過火車站買最快捷方便的：麥…當…奴…！ 7:17pm 過天橋去到火車站，一入大堂望上二樓的麥當奴，已經大叫一聲「唔啦係呀嘛～！」坐扶手電梯上到去… 得！無事！立刻掉頭落返去！ 7：20pm 徬徨的我，餓著肚皮，站在大堂中心。洋洋一個紅磡火車站大堂，竟然無我肚皮容身之所！我好似電影橋段般360度自轉…… …… 終於讓我見到黑暗中的救星！大… 班… 麵… 包…！ 7:22pm 行到入大班，現場好似之前蝗蟲駕到般，麵包櫃差不多被搜掠一空！只剩下幾件麵包。我稍一猶疑，又一件被人拿走了！當下我二話不說走過去，看見兩件叉燒包，心想我們三個人可以分了它們。就是這一秒鐘的遲疑，旁邊的大嬸已經捷足先登右邊那叉燒包了！！我立刻使出我的擒拿手，將餘下那一個一手拿下！還將麵包櫃上其他食得的麵包都全拿掉了！都只是買到4個麵包3個人食… 如果我再遲5分鐘入大班，就只能買到那些白方包乾啃了！ 8:08pm 入場了。看了這麼多次紅館 show，都未試過竟然食唔到飯！！我唯一想到的理由，就是太多人去睇黃子華，而 showtime 是在八點三不是八點九，所以大家就逼在一起吃晚飯了！講到尾，都是黃子華你太受歡迎的錯！我好肚餓呀！「回水！！！除褲！！！」

Gangnam Style

如果你不明白我的標題講什麼，請先睇睇下面這個 youtube。可能我今天才講 Psy 其實已經 out out 地，不過小弟確實只是近日在認識「Gangnam Style」。話說我去峇里參加婚禮，放了一張主人家在 dance floor 的照片在 fb，有人立即 comment 話：「Is it gangnam style？」我見到心諗「講乜春呀？」沒有理會。之後又在 fb 見到人放影片又講「gangnam style」，實在有點奇怪，小弟英文水平不致於從來未學過「gangnam」這個字吧？(gang-ho 咁騎呢我都見過啦！) 上網找一找先！第一時間當然就是見到上面這一個 MV。聽完隻歌就明白點解 gangnam style 咁紅 — 隻歌個旋律上腦到呢… 讓我諗起上兩年謝金燕隻《嗶嗶嗶》！（吓？你又未聽過？！睇埋下面個 MV 啦唔該！) 寫咁多，其實宜家先入正題。《Gangnam Style》的中文譯名是《江南style》。「江南」在我心目中是一個山明水秀，湖光山色的好地方，有著一種名濃濃的詩意。但當我看見 Psy 在 MV 裡，好似相撲手般左擺右擺大踏步「跳舞」時…… 點可能這叫做「江南」style？？錯晒… 認真錯晒！我明白，此「江南」不同彼「江南」— 此乃韓國江南也。但譯做中文後我很自然就想起中國的江南！中國的江南應該是用「俏」來形容的，Psy 這個身型和樣貌，點都不可能是「俏」啦？！

餐廳錯估人性蝕大本

推「隨心情付款」新招餐廳錯估人性蝕大本【明報專訊】深圳一家新開張薄餅店推出顧客隨心情付錢新招，結果盡顯人性醜陋，有人狂點48隻雞翼飽餐一頓後施然離去，有人點了3、4個薄餅後留下6大元，結果新招推行3天，僅實收帳面銷售額一成款項，蝕大本程度遠超店方估計。深圳樂凱撒薄餅公司近日在羅湖區國貿附近開新店，並推行「隨喜就餐」新招。老闆陳先生稱，在店門口放了一個盤子收費，就餐後顧客可隨心情付錢，但結果讓他詫異，「我預期能收回兩成的營業額，沒想到大跌眼鏡」。他說，當天許多食客吃完便走沒付款，有3人點了兩個薄餅和48隻雞翼，原價500多元，但他們狂吃後便施施然離開；有兩個男子點了300多元食物，留下6元便走。僅收回營業額一成款項該公司點算營業額後發現，店內共「賣」了186個薄餅、960隻雞翼，帳面營業額為23270元，但實際只收到2382.2元。「看來是我對人性太樂觀了，真沒想到。」陳先生感嘆道。（南方都市報） (http://hk.news.yahoo.com/%E6%8E%A8-%E9%9A%A8%E5%BF%83%E6%83%85%E4%BB%98%E6%AC%BE-%E6%96%B0%E6%8B%9B-%E9%A4%90%E5%BB%B3%E9%8C%AF%E4%BC%B0%E4%BA%BA%E6%80%A7%E8%9D%95%E5%A4%A7%E6%9C%AC-212606241.html) 類似的做法在外國聽過，我記得有輿論話顧客因為不好意思通常會付款，在不知價之下還可能反過來會多付了！不過，歐美的文化講「honest system」，這一招才有效。當今中國文化「貪」字當道，平民不能大貪唯有小貪。不要說我看低內地同胞，問心當你聽到這餐廳的手法，你的第一反應會是認為它賺定蝕？而事實亦已經擺在眼前…… 醜陋的中國人，又一個不認不認還需認的實証…… 如果明天香港有一間這樣子的餐廳，你估在這個華洋共處的社會中，餐廳又會是賺定蝕？老實講，小弟認真覺得是 50/50……