大表哥

我是一個差勁的觀眾，因為我睇完 show好快就唔記得；我又是一個最理想的觀眾，因為唔記得就即是要再買飛睇過！=P

還好，我不記得內容都還記得那種感覺，它會告訴我哪個是值得我再付那$320！

所以，如果 Kearen 你在讀這 blog 的話，sorry 我真的忘記你之前3套劇是講什麼了，我相信過一段時間我又會忘記《Tiffany》是講什麼。不過，當你的第5套獨腳戲出爐時我還是會頭兩天就撲上網買飛，正如我撲了飛看你的第4套獨腳戲《Tiffany》。還有，我常常忘了究竟是 Kearen 還是 Kaeren？(ops… 又唔鬼記得咗…) 每次都是要 trial & error 才「search」到你！

但我一定會將以下這段出其不意的對話，由 short term memory 植入去 long term memory！Thanks for the surprise~~~ RRRRRRIGHT？

K: Kearen aka Tiffany
P: Plato aka 大表哥
E: Elaine aka 大表嫂

K: 今晚都好多親戚朋友來呀！(向台下四處張望) 不過第一行無人著粉紅色嘅，你哋無睇張帖呢？因為阿欣好鍾意粉紅色，所以佢都希望今晚的賓客可以著粉紅色… (目光再由左至右掃過來… 停了在我身上)

大表哥？ 你係大表哥！認唔認得我呀？阿欣6歲時侯個生日會我哋見過啦~

P: [事發突然，但我仍保持冷靜] 唔認得…

K: 梗係啦， 我靚左呀嘛！

大表哥就著得一個良好示範，粉紅色 polo，你一定係睇咗封請帖。大表哥，可唔可以企起身俾大家睇下？

P: (起身，轉身向觀眾們鞠個躬)

K: 而我最鍾意大表哥件衫嘅就係要反領！俾大家睇下… (我整一整個領) 最重要係一邊反一邊唔反！[係台上咁冷靜咁眼厲，咁都俾你入到，好嘢呀]  (我再面向觀眾，將一邊領反番下來…)

P: (坐低)

K: 你旁邊係你女朋友？定老婆？

P: … 係呀係呀，大表嫂。[我D反應都唔弱]

K: 哦，大表嫂！(全場笑)    但點解大表嫂無著粉紅色既？

E: 唔記得咗。

P: 我無俾張帖佢睇。[我諗番都覺得呢下轉數幾快，咁都接到，哈哈！]

K: 哦… 不過上次見好似唔係呢個wor …

P: 係呀我六歲個陣時個女朋友唔係呢個呀~~ [又接一招！]

K: 上次見你好似係上年呀嘛， 換咗女朋友呢！     多謝大表哥~~~

BTW，Tiffany部電話隻World ‘ s End Girlfriend ringtone 真係好鬼死上腦，尤其是中間那大量的三連音三連音三連音音~~！上腦程度就僅僅比PSY隻《Gangnam Style》差少少！我忍唔住換了做我的手機ringtone！

 

同場加映：上次韋小姐又係有機會跟魏綺珊做對手戲！我們兩兄妹原來是劇場中的大茄！

https://jailbreakplato.wordpress.com/2008/12/01/the_open_couple/