早兩天與三五知己良朋共聚，一人從外國遠道而來，問有餐廳可以邊吃邊看維港夜境嗎？朋友Q立刻call尖沙咀iSquare的不倒翁訂位，餐廳職員說如果有窗邊位會盡量安排。 我們晚上準時7:30到餐廳，餐廳侍應給了我們餐廳正中位置的一張枱，勉強能在窗邊食客的人頭之間望到「小海」。既然訂位時已經講明了想坐窗口位，我們便問部長小姐： 「我哋想訂枱時講低想要窗口位，請問有無枱呀？」 「窗口位每台要收 minimum charge $2000或每人$500，以價高者為準。」  (我們五個人不飲酒，打個邊爐點食$2500呀？) 我又問：「打電話book位時我們專登問有無窗口位，你同事話會盡量安排喎。點解而家又話要收 minimum charge？」 「係呀，如果無人book就可以俾張枱你。」 「咁請問而家係唔係book滿晒？我見個邊 (手指指過去) 仲有幾張空枱。」 「個幾張枱都被人book咗啦。或者我再check下。」 (五分鐘後…) 「先生，個邊有仲有一張枱，minimum charge 要$3000。」 「吓？$3000？頭先仲講緊$2000？」 「噢… 係呀，我哋係價高者得。」 「哈！價高者得？！ (WTF……)  既然你窗口位要收 minimum charge，我book枱時你同事又唔跟我講？等我知道可以有d預算，又或者我可以揀樓上樓下其他餐廳。佢只係同我講『盡量安排』。」 「咁我哋已經 book 滿晒所以無同你講囉。」 「唔係book滿唔滿晒嘅問題，我打得嚟book枱，你就應該講我知原來窗口位要收 minimum charge，唔係一味話盡量安排，我嚟到先突然同我講要俾 minimum charge。」 「咁之前book 滿晒呀嘛… (開始不耐煩)」 「咁你而家既然可以有枱俾我，係唔係即係可以『安排』到俾我？」 「(迴避我個問題) 咁$3000 minimum charge 你哋要唔要張枱？」 「$3000就梗係唔要啦！」 (部長小姐行開咗…)     我知道你哋iSquare嘅鋪租貴，但係唔係咁樣「賣枱」呀嘛？仲夠膽死話「價高者得」？好笑啦！如果我真係肯俾$3000 minimum charge，之後有個豪客入嚟話肯俾$5000，我係唔係要match佢個價？如果唔係食食吓要轉枱？ 其實我們最唔 “kur” 係我book枱時你唔講清楚，嚟到先話我知原來窗口枱有minimum […]

因為打雷的關係，打了9洞就要返會所望天打卦等停雨。可惜天公不造美，等了一個多鐘頭都是打不了。幸好我們是打兩日！在領隊的安排下，我們大伙兒可以第二朝完成餘下的9洞，之後再打本來安排了的18洞。那即是連續打27洞，都咪話唔激！ 既然無波打，大家就早一點食晚飯，之後我們其中幾人到了附近的娛樂中心按摩 （唔好心邪！）入到去問價，90分鐘才RMB80，抵！仲要比香港那些舒服得多，又不會做個按摩電話響幾十次 — 是一次都無響過！我們三個做完都覺得舒服到唔捨得走！我見大家咁滿意，就每位按摩姐姐給了RMB20貼士。雖然對比起RMB80的費用好像很大手筆，但如果以absolute value計都算合理，因為在香港都是大約給這個數。當那位按摩姐姐見到我遞上那RMB60 (for 3人)，呆了一下，臉上露出一個不大敢相信的表情，然後就歡天喜地的接過那幾張銀紙。見到她那樣高興，我也十分開心。這樣子鼓勵一下這些靠自己的勞力默默耕耘的人，何樂而不為？ 第二朝晨早6點鐘就要起床食早餐，然後準備開波。瞓醒一覺吃了個豐富早餐，一心諗住今日可以有個好fresh的開始。誰知道第一球打出去就「噗通」一聲 — 不是王喜一下子跳進放了白花油的浴缸的聲音，是我一下將那球直飛落水的聲音。 唉… amateur就是amateur，所以都是不要抱太大的期望吧…… 雖然到Palm Island打波是出了名舒服。基本上是波到車到，但連打27洞都不是那麼簡單。5小時後真是一身散晒！不過我開始有少少鍾意咗佢。這是一個挑戰自己的運動，整件事情的最大敵人就是自己的心魔。況且在綠茵場上打波又的確是一件賞心悅目的事，暫忘煩憂。我想如果到了一些環境更佳的球場，大概真的會有一種去了世外桃源的感覺！ 幾星期前電視上看到曾志偉講他喜歡上打高球的原因，我覺得很有意思。他說，踢足球、打籃球等運動，去到那裡的球場都是局限在那長方形的框框裡。只有高球的球場是千變萬化的。每個球場每個洞都有所不同，有意思得多了。 我期望繼續有機會去窺探高球的世界。但首先，要去練好D波！

我隨便的試揮了兩桿，踏上發球台，對準了球，心裡想：「好好歹歹都係我的史上第一發，一定要打好D攞番個頭彩！」給自己打打氣後，把球桿拉後，也不敢用盡力的向下一揮…… 中了！！！ 雖然不是打得很「應棍」，但都算漂漂亮亮的打了出去，個波是飛出去的，不是「轆地沙」，總算沒有丟假！ 通常amateur的最大問題就是水準不穩定。最顯而易見的例子是我可以這一球打得很直很遠，但下一球又差點兒打都打唔中；又或者我對著球揮了兩下都不中，但第三下可以不單止中波，還一下子飛過那條小河。我打完都覺得不可思議得有點不好意思。 用打三球中一球的頻率之下打到了第七洞，神奇的事情就發生了 — 我打了個par 4！雖然我與妹妹和EC是打best ball，但這個洞的best ball全是我打的，那即是這是一個真真正正屬於我的par 4！沒打過golf或打了一段時間的朋友可能會覺得我在大驚小怪，但對我這個初學者，要知道當我站在這小小的白色球前，揮起球桿，心裡就立刻有種徬徨的感覺，因為你不知道下一刻當這桿揮下去的時候會發生什麼事。可以是一擊即中，可以是輕輕揩一揩波皮，可以打中波但不知飛到那裡去，也可以是丁點兒都打不到，認真是千百樣可能。所以要我連續打4個好球做個par 4是認真不容易！ 就在我仍在回味那絕無僅有的第7洞時，天空上突然「轟隆」一聲打了個大雷，雨也落得大了。剛打完第9洞時更聽到封場的警號聲。Damn it！老子難得山長水遠走上來打波，你竟然打波先嚟打雷？ 唔通連個天都唔鍾意我？…… 《待續…》

日本女子足球隊剛摘下了世界盃，日本國內報章稱巾幗們為「世界一」，即世界第一的意思。題目「高球一」，但此「一」不同彼「一」，我又何德何能？！我只是食隻字分享我第一次落場打高球的經歷而已。 (一笑) 揮吓揮吓不經不覺已學了大半年高球，都是時候跟師父落一落場實習。選了個聽講比較容易的棕梠島 Palm Island做試金石。容易的除了指球道外，還可以全程坐著高球車跟著每一球，連腳骨力都慳了不少。 第一次由窄窄的driving rang轉到廣闊的大草原打球，當然有一點戰戰兢兢的感覺。還好安排了師父一開始先跟著我們三個，而且讓我們打 best ball (即每一球用我們3個打得最好那球。這樣即使我撻Q撻到大西洋，都還有細妹跟EC的球頂住！) 到了 Palm Island，吃過午飯候大家就急不及待要落場。EC很興奮的搶著要揸那部golf kart，我倒沒所謂，只是向她這個生銹牌問了一句： 「你識唔識揸架？」 「識！好似揸碰碰車咁之嘛！」 碰碰車？！OK… 我捏一把冷汗… 老實講真係唔「碰」得呀！不過golf course嘅路都幾簡單，應該不會有事啩！ 咁就出事啦！ 嗰條濕滑嘅高爾夫球路，嗰個當碰碰車玩嘅司機… 就在我們拐個彎就要到第一個洞時，EC在轉彎之餘，左腳踩下「迫力」，右腳的油門卻沒有放開… 嘩！！！出現了！頭文字D所講的「飄移」！只見車的前轆急速停下，然後我們的車尾開始甩尾，整架車自轉了一個270°，再順勢剷落旁邊的草地。可幸站在車尾的兩個球僮在千鈞一髮之際亦順勢跳落草地，但已經嚇得「鼻哥窿無肉」！車停定後不理冒著得罪米飯班主無貼士收的危險大罵了幾句，我想其實她們已經很客氣地吞了幾句 #$^*#$%*！ 大家稍一定神後，就出發走去第一個洞的發球區。我這無牌 (handicap card) 的男生先在白點發球台開波。我隨便的試揮了兩桿，踏上發球台，對準了球，心裡想：「好好歹歹都係我的史上第一發，一定要打好D攞番個頭彩！」給自己打打氣後，把球桿拉後，也不敢用盡力的向下一揮…… 《待續…》