1. 今年我跑的10K時間是53分22秒，比上屆慢了20秒。由於這個跑步季節跑了不少，而且已試過增程跑了第一次半馬，所以對這個時間不是很滿意。不過，上年係有人 lead 住 “chur” 我才跑到53分，今年是憑自己的意志去跑出一個差少少的時間，都算是一個進步。
對於自己的失色表現，有以下一系列藉口：
2. 上兩個星期打波被撞傷心口，令我過去10日不但不能練習，而且每當我透大氣就心口痛，不能深呼吸；
3. 從屋企出發時淡淡定諗住 call 的士點知無車！搞到自己 (和朋友) 失晒預算。最後好彩當機立斷改為揸車泊入大坑才趕得切，但已不夠時間做足熱身；
4. 很遲才到起跑點，跟了在龍尾，所以跑時一直不斷有無數的跑手在前頭，我花了很多力氣要左閃右避開人群；
5. 著錯衫！以為今日天氣凍，著了件長袖黑色 tee 跑，跑到中途已經覺得好熱。
————————————————————————————————–
6. 雖然今天的頭 4km 跑得不錯，但是到後來已經感覺到大小腿的肌肉非常攰，想發力都不行！
7. 跑到中途，我見到有人著住對 Jordan XI 跑… 心諗：「DIU！咁嘥呀，俾對鞋我好過啦！」
8. 跑到最後 1km 仍想衝一衝，不過前面仍然是人頭湧湧，根本不容許我大步衝！所以只能夠小小衝…
9. 我覺得參加人數太多了，搞到真正想跑好自己的人跑得好無癮，渣打下年應該考究 cut quota。
10. 今次跑完後不去飲茶改去食 Flying Pan，都唔錯… 但我都係鍾意飲茶多d =P
11. 食完 Flying Pan 啱啱好可以去修頓打埋籃球完成我的 Sporty Sunday！可惜跟我的10K時間一樣令人失望 — 今日一場3打3都無贏過！！！ =(
12. 下年我會進軍半馬，西隧見！
Platoooooo's Blog 