不知不覺間又到了財爺發佈新一年的財政預算案的日子，原來亂派＄6000已經是一年之前的事！ 作為終極一擊，我妄想財爺會抱著「都唔駛驚下年俾人鬧」的心態，肯真心為香港社會駛D應駛的錢。結果就只有重建瑪麗和廣華，其餘就只是繼續減稅減稅再減稅，繼續亂「fing」盈餘。 點解財爺每一年都只識派錢？其實盈餘可以投放在更多長線投資、更有急切需要的範疇，例如教育和醫療。 雖然香港出生率一直偏低，但小朋友返學仍然是30幾人一班。大家都做過香港的小學生、中學生，你不是班裡面最叻或最曳幾個，老師真的很難抽時間留意你、照顧你，是否可以多放資源走小班教學？大學轉4年制，是否可以趁機放多點資源去完善大學教育？我知道現在大學裡資源緊拙，請人要跟出面私人機構爭絕不容易，還有可以用多一點錢請好一點 professor，做好一點 research。要知道香港政府這麼多年來搞轉型搞來搞去只是將香港由「為美金服務」轉成「為人民幣服務」，什麼中藥港、數碼港最後都是9up。如果連教育都不再做好D，香港人真是再可以憑什麼跟內地億萬人鬥，跟已一體化的全世界鬥？ 再者，香港人口老化人人皆知，我不理你搞不搞「醫保」，增加醫療服務已經有需要性。除了重建瑪麗、廣華外，更要解決市民用公家醫院照非緊急MRI要等到2019年這些問題。 (http://hk.news.yahoo.com/%E9%86%AB%E5%B1%80%E8%B3%BC%E6%A9%9F-%E6%B8%9B%E7%A3%81%E5%8A%9B%E5%85%B1%E6%8C%AF%E8%BC%AA%E5%80%99-221327401.html) 2019年？根本都唔 make sense！可以讓這事情發生已經是唔 make sense！還有還有，電視都有得做，《on call 36小時》，要醫生 on call 時要做足36小時，想唔發生醫療事故就假啦！點解政府從來都無想過用點錢，增加資源去解決這些事？今日見到大舊衰在財爺讀預算案時又發癲大叫「回水八千」，我真係想叫他回水他這些年收落納稅人供養他的人工！大拿拿500億就咁派咗佢？！500億起多間瑪麗都得啦！你做得代表全香港的立法會議員，除了不斷 ban 政府外，還會不會提議一些有多點見地的東西？大聲叫政府派錢是多麼的容易和攞采，但我選牛頭角順嫂就得啦，駛乜選你？政府派＄8000俾我，我有什麼冬瓜豆腐要照MRI，咪又係要等到2019年，去睇街症又係排餐死，咁我局住要出去睇私家醫生，個＄8000又係凍過水。 還有一點，財爺派錢還富於民，咁「富」從那裡來？高地價賣地。大家一方面叫財爺減稅派糖，結果稅基越來越窄，政府只能繼續高價賣地支持收入；另一方面又埋怨樓價太高，要政府撳低樓價，咁你想政府邊度變錢出來用？現在即使財爺派你＄8000，兩年後可能你連半塊階磚都買不起了！

Read More 財爺終極一擊！