用了三年的3GS今次除了左邊臉癱瘓 外，連「車震」的能力都喪失了，搞到我不得不考慮換畫。話時話，原來電話的震機功能真是非常重要。當我要靜音時，沒有震機功能就真是不可能知道有人打電話給我。有時候開了鈴聲，好似聽到又好似聽唔到電話響時，我就會習慣性地用手摸一摸褲袋裏的電話。如果無震動就即是我聽錯。但現在震機壞了，就每次都要拿上手望一望，真麻煩。
要換機就要認真做一下資料蒐集。三年前3GS根本是毫無對手，簡單的說我們消費者當日根本是毫無選擇。但我都出得好心甘命抵，我還記得苦等一週後，終於收到機時那興奮到極點的情境。但今日智能手機的世界中，Apple 跟 Android 真是鬥得你死我活。我望見4S個款跟4比又無甚驚喜，唔通真係要為了跟 Siri 傾計做宅男而出4S咩！所以我決定要變節！向 Android 投誠做無間道！
Android 選擇眾多，不過見到 Samsung 近日磅礡的氣勢，我很自然地就捨棄了另一大牌子 HTC (加上佢呢排sell “Beats Audio” 聽歌我無乜興趣) ，碰啱我朋友 CF 剛出了部 Nexus，我當然立刻去問他揀 Nexus 還是 Galaxy S2 好。
Nexus 是 Samsung 為 Google 「代工」的 Android 手機。好處是已經裝了最新的 Android 4.0 OS (Ice-cream Sandwich)，聽說比2.x的 OS 好得多 (3.x 是 tablet 用的) ，但部機的 hardware 比 Galaxy S2 低一級。
Galaxy S2 雖然出了已半年，但人氣依然強勁。Samsung 專門在 Android 原有的介面上再 customize，令部機更 user friendly 和 fun to use。螢幕亦比我那3GS高清得多了。
當然還有最近廣告賣得超行的 Galaxy Note。「Phone?Tablet?」 的混合體，嘗試從中殺出一片藍海。
究竟我應該揀邊一部好呢？
Platoooooo's Blog 