打住喊露睇《一代宗師》

「啊… 你睇咗《一代宗師》啦,好唔好睇呀?」

這一個問題,其他電影好易答,但用在王家衛的電影,永遠都是一個問號。

不如這樣做個比喻:周星馳的電影,好唔好睇呀?大家都見過一些死硬派粉絲可以將各套星爺電影的經典台詞朗朗上口背出來,但亦有人會話他的所謂「無厘頭」狗屁不通,簡直是不知所謂!王家衛的電影,有一班死硬派粉絲大呼是大師級 (多數是影評人,仲要係外國個隻),亦有人會話「都唔知佢拍乜!」(多數是普羅大眾) 或者,就是這些能製造這兩面極端反差評價的電影人,才有資格去被吹捧為「大師」!!

OK,到我這個都幾喜歡看電影的小人物講:《一代宗師》是打住喊露的幾好睇。

咁即係點?!?!

一代宗師

有聽過或者睇過王大導拍的戲的朋友,應該知道他隨除了出名拍片慢之外,他的電影本身都好慢,所… 以… 入… 場.. .前.. .一… 定… 要… 做… 好… 心… 理… 準… 備… 套… 片… 的… 情… 節… 是… 很…… 慢……… 的………. 通常睇王大導電影還有另一個難題 — 睇唔明。這次拍葉問的故事,題材所限,只是慢,但一定睇得明!唔明的,都因為睇過「宇宙最強」的兩套葉問自己可以為劇情對號入座!

情節上,除了葉問頭一場雨中以一敵n的大戰 (即是梁朝偉在雨中定了格那張海報) 有點無厘頭之外,其他都十分正路:宮二向葉問挑機為父親報一戰之仇、馬三因為變節為日本仔賣命殺死師傅 (宮二的爸爸)、宮二不惜犧牲一切都要為父報仇等等。絕對睇得明啦! 不過,王大導當然會在其他方面保持著他一貫的風格:超多近鏡大頭、set n個鏡頭不同角度拍一場戲、接近完美的場景加上又朦又清的拍攝手法、極盡講究的道具與佈景 (包括茄哩啡) 等等。我曾經聽一個節目主持講笑的話,《一代宗師》要拍十年 (其實拍是只拍了三年,其他時間是王大導做資料搜集和演員們事前學功夫),因為拍一個雪景,拍了一天,王大導結果只肯收貨幾分鐘的片,第二天又可能無乜靈感停機不拍…… 搞搞吓雪季過了,拍唔晒,要等下年。到下年冬天,王大導發現個雪景變了樣,無辦法,去年的片唯有全部不要,又要由頭拍過…… =P 這是真還是吹水我唔知,不過有一樣就應該是真。

葉問

王大導的風格是很喜歡做特寫,所以從來只可以找來一班美人來做主角。梁朝偉、當年的哥哥張國榮當然是不二之選;章子怡可能未必個個鍾意,但無可否認她的輪廓確是美,化一個淡妝都可以拍大頭。還有就是因為連打的部份都要大特寫,加上王大導對武術的尊敬 (making of 講嘅),幾位主角很難用替身,自然要認認真真花幾年夜粥學真打!所以他們各人都花了很長時間去正式的拜師,張震還愛上了八極拳,訓練有成參加全國比賽贏了個一等獎!可惜的是,張震雖然是海報上「四人幫」之一,但他的演出被剪剩兩場不太相干的戲,希望將來可以在傳說中的4小時 director’s cut 裡面睇番他被剪掉的戲份!

講了一大堆廢話,好似還未講到「打住喊露」和「幾好睇」!打住喊露是因為套戲真的去得好慢好… 慢…,所以雖然我無悶到瞓著,但都忍不住一邊睇一邊狂打喊露!同時間我又幾欣賞這電影不論在情節還是道具、佈景的鋪排 — 不是像王大導這般一絲不苟而且可以拍得這麼慢,是不可能做得這麼仔細 — 整套電影「戲味」十足,所以 $80 買張飛入場睇真係幾抵!

最後,在我睇完套戲之後,揸車時聽到杜汶澤與鄒凱光的《咔啦騷》節目中剛好又是講這套片。其中阿澤有一個 point 我很認同:香港的電影,近年來因為要賣內地市場,產生了很多「合拍片」— 電影中有香港明星又有內地明星。不過這樣令套戲變成是為了「合拍」而選角,結果很多時一個 Hong Kong style,一個 mainland style,搞到非常唔啱 style!但這次的選角就很合 style。梁朝偉不嬲與王大導拍檔當然無問題,他那份瀟灑是華人演員中獨有的;宮二的角色為人倔強兼有霸氣,找章子怡來演也可算是不二之選,香港除了演過武則天的劉嘉玲外根本無人可以考慮。

宮二

最後最後,很多人話套戲出來的效果好像章子怡才是主線,「一代宗師」是副線。葉問是一個真實人物,還要是非常受尊敬個隻,除了打之外就是打,又不能老作太多橋段,基本上要睇的生平之前套《葉問》都睇晒啦!還可以有什麼驚喜?!反而宮二這個虛構角色性格王大導可以隨心塑造,要幾立體有幾立體,自然突出得多!所以章子怡搶戲,又有什麼稀奇?!

講到尾,睇戲的口味因人而異,如果你擺明係唔鍾意王家衛個隻格的,就唔好入場睇《一代宗師》啦!費時晒錢、鬧爆又刮凳啦!

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s