平常如果有機會跟一群女孩子hang out，其間不時聽到以下的埋怨：「點解呢個世界咁多靚女，但靚仔都唔多個？」，又或者「點解靚仔多數都係gay架？」，接著就評頭品足身邊的一班「唔靚仔」。 雖然我無能力去改變靚仔的supply，但我可以解釋「天下無靚仔」的現象。 記得有一次看黃子華，他笑說現代女士化妝有如進行批擋工程，叫天下間的男士小心D：你女朋友出街的樣子跟她的廬山真面目可能是不可相比，當心見到她落妝後的樣子會嚇到嘔血！我在網上亦看過一個醜小鴨如何靠化妝變天鵝的youtube，簡直是嘆為觀止！難怪我細妹成日叫我買定D莎莎、卓悅的股票看門口！ 這就解釋了點解世上靚女比靚仔多 — 因為9成9的靚女都帶有後天加工的成份，而且科學進步，化妝的威力差不多可以勁過photoshop執相。而男士一般較崇尚「天然」，少有去搽下粉底搞下眼睫毛，更不用說每晚做mask每星期去做個facial。通常恤個靚髮gel好個頭就算了。 所以女士們，你們應該要學懂欣賞我們男士帶有瑕疵的自然美，standard不要set得太高了！話雖如此，有一句公道話我倒要為女士說的：美男子都是拿來說說罷了，對於真正拍拖結婚的對象，女士通常都沒有男士般注重外表 (莫非… 是因為她們已經絕望？！) 在這方面男人絕對是比女人膚淺得多！

Read More 天下無靚仔