冧把

最近「量地」常留在家中,習慣性地會開著財經節目去睇住市況 (算是一之前留下來的一種職業病吧!),自己也很努力地做功課,希望投資的「資」,除了是「資金」的「資」外,也帶有「知識」的「知」。 每天看著不同的財經演員上這些節目,也感受到他們的為難之處,講到未都是打分工啫。分析大市走勢就必然的,再講下各板塊。不過最慘是有時觀眾問的股票真是九唔搭八,特級細價股,都唔知可以點講。 做財經演員其中一樣最重要的工作就是講「冧把」— 推介股票。大勢所趨,觀眾需要什麼他們便給什麼,其實無問題,但唔該推就推得有heart D。以下就是一些無heart的例子。 1) 匯豐現價$78,受惠歐美金融葉復甦的憧憬,預料股價會反覆向上,唯最近股價呈超買,建議侯低於$70水平吸納。 => 你俾一個買唔到嘅價我做乜?如果明天匯豐真係跌10%到$70,你真係敢大大聲叫人買? 2) 國壽受差於大市預期的業績拖累,股價大幅調整,低見$29.7,但公司基本質素良好,可於現價值($30)吸納,上望$33,跌穿$27止蝕。 => 目標價跟止蝕價都係$3距離,咁即係好似買大細,$3博$3,咁我買嚟做乜?倒不如去澳門玩一手? 3) 預料中銀香港長線受惠人民幣於海外逐步開放流通交易的新措施,未來增長動力強勁,現價($22)可買,短線上望$24,跌穿上月低位$21.2止蝕。 => 你同我話長線睇好,但又提議我短線炒賣,咁我點可以enjoy佢長線業務增長呀?你嘅分析同買賣策略個duration都唔match!

Read More 冧把