我從來未試過有咁多女性朋友跟我說她們有這麼想看一套咸濕三級片。要知道要令女士們「想」看一套這般名正言順的咸片已是難，要她們「講到出口」話「官人，我要… 睇」就更加是難上加難！我覺得看《3D肉蒲團》竟然變成了一種潮流，簡直是不可思議！ 我不清楚製作公司要電影延遲上映是有心定無意，但事實上這反而凝聚了觀眾們一份期待的感覺，如果這延遲上映是專登的就真是高招！戲院的老闆們，我提議你們應該安排一些「女性專用」的特別場次 — 只容許女士們入場。不論gimmick上或實際賣飛上都肯定大有幫助！有得揀的話，女士們絕對不會想旁邊坐了一位面貌猥瑣的麻甩佬！ (你話旁邊可能會坐了一位古天樂或吳彥祖陪你看《3D肉蒲團》？發夢啦你！) 連我女友都話已約好一班舊同學去戲院「觀摩」幾位女主角有幾3D，反而搞到我不知找誰人一起湊熱鬧。無理由一班麻甩佬一齊去睇，it just doesn’t feel right… 如果我打電話給其他普通的女性朋友說「yo… 不如一齊去睇《3D肉蒲團》？」我怕會被人貼大字報叫大聲公話我是大色狼！又不會一條友戇居居去睇啦… 喂，有無靚女想揾個猛男陪佢睇呀？ =P 最終，如果大家覺得呢套戲咁勁，一定大收旺場的話，原來間電影公司是有在香港上市的！叫「中國3D數碼」，編號8078。可能可以賺番D戲飛錢！       (PS：你唔係當我講真呀嘛？8078呢D創業版超級莊家炒股，真係掂都唔好掂呀！)   (PS 2: 估唔到套戲連團購都做埋！一個字：勁！ $80 購「3D肉蒲團之極樂寶鑑」電影換票證，4千萬美元打造全球首部3D香豔鉅獻 http://www.babybamboo.com.hk/deals/ticket220)   (PS 3：今日用 iPhone App “HK Movie” 揾戲睇，驚見已經有《3D肉蒲團》的影評，仲要100幾個評分 average 4.1 out of 5！套戲好似下星期四先正式上映喎！睇真D，原來全部俾5分的評語都係「一定睇」、「好想睇呀」、「唔係唔睇呀」等等。未睇就俾5分？！出打手都俾多D技考好無？)

Read More 萬眾期待之作 —《3D肉蒲團》