試問中國人又點會唔爛賭?

年初三,一班朋友去好友家中團拜兼賀新屋入伙。 15:30 我第一個到埗,參觀完新屋後跟兩位屋主你眼望我眼… 三個人決定開支紅酒,邊飲邊鬥地主 16:15 另外兩位朋友來到,五個人… 打麻雀啦!女主人好人唔打整年糕給我們吃 16:30 又一位朋友來到,寒暄幾句後,一邊食年糕,繼續打牌 17:00 醒起今日賽馬日買了5000萬3T,上網看看中唔中先… 唉… 仍然做不了千萬富翁 17:45 再有幾位朋友來到,人多了,轉玩魚蝦蟹,輪住做莊 18:45 魚蝦蟹轉眼間輪完一round莊,轉玩大細 19:15 大細玩到悶悶地,又分組玩:一抬打牌,一抬鋤大D 20:15 鋤極都成日成手爛牌,朋友H突然拿副天九出來,大家都興致勃勃想學這中國傳統的賭博遊戲。打牌的繼續打牌 21:15 諗到腦都爆埋算做識識地玩天九,可憐朋友D剛剛落機仲jetlag 緊就要用晒D腦汁 21:45 大家都開始肚餓,落街食個晚飯 (終於做D跟賭博無關的事情!) 23:30 食完晚飯上返屋企食甜品,女朋友先行告退,因為明朝早船跟屋企人去澳門玩。去澳門,除了飲飲食食,當然都要入賭場試試運氣啦! 23:45食完甜品,女屋主意猶未盡:「都未玩三公同射龍門!」但大家確實有點累了 24:30 擾攘一輪終於要走了,臨走前有朋友不忘提醒大家:明天六合彩新年金多寶頭獎有5000萬,記得去買! 一日就試勻11款賭錢遊戲!你話,中國人新年是不是除了賭錢,還是賭錢! ———————————————————————————— 鍾意小弟個blog者,可以 like 我個 facebook page 以示支持!😀

Read More 試問中國人又點會唔爛賭?