我身邊無乜明星朋友之謎

我是一個普通人，普通人有一點點貪慕虛榮的心態都很正常呀！所以有時我也會想如果身邊有舊同學或朋友係明星仔，又或者選下港姐，可以茶餘飯後攞黎吹下水，都幾過癮。要知道第一身認識一個公眾人物去談論他/她 (的好話或壞話)，會覺得參與感大D，講都講得肉緊D啦！再者，認識這些朋友幫你攞下演唱會飛，都幾好呀！

香港的大小明星奀星，數量不多亦不算少，點解我認識他 (而他又認識我的)會幾乎是零呢？就算繃車邊認識的，都大概係朋友嘅朋友嘅朋友。講真，我認識的人當中靚仔靚女都不算少，看過一些所謂明星無上妝的照片，又看過朋友門化了妝的照片，有potential的人其實大有人在。

為此，小弟 (很無聊的)分析如下：

第一、小弟有幸就讀一間略有名氣的中學，同學一則非富則貴，上經濟版容易過上娛樂版，當然不用出來娛樂圈拋頭露面；二則天資聰穎或勤力無比，會考閒閒地四五個A，我身邊的醫生律師工程師每樣都十隻手指數唔晒，他們亦當然不會貿貿然放棄高薪厚職。要知做娛樂圈是絕對的high risk high return，有選擇的都未必會走這條路。

第二、小弟的父母都是任職官方機構，不似有些朋友家族顯赫，又或者做生意朋友多多，family friends滿天下，自然認識不同層面的人比較少。有一次朋友跟我說，一天他放工回家，父親在宴請賓客，赫然看見座上客包括一位城中名模 (not o靚模)，我自問就從來無這種「福份」。

第三、小弟是一名標準電車男 (之前已寫過我是一個電車男)，以前在公司，現在在家裡，都是對電腦多過見人，又不是特別鍾意去蒲去劈，當然識人不多亦不廣，碰見這些新朋友的機會亦比較少。

 
隨著小弟三張野都黎緊，相信都不會有「奇蹟」身邊朋友突然變身做明星。所以看來識明星夢無望，得閒發下白日夢都還可以嘅…… 哈哈！