符碌係無兩次架

短短的所謂「教練」生涯，今日終於要退。

何解「所謂」？因為由始至終名銜都是一廂情願安給自己的，人家實情上是俾面你…身邊那一位，才讓你糊裡糊塗帶幾場波。現在死跟爛跟新coach是自己唔要面，情況就像一個跛的古惑仔day day 跟著江湖大佬去幫佢開車門，以為有朝一日佢會賞識自己做金牌打手。

估不到的是原來從來所得的respect是少得可憐，當人家第一次說「appreciate」你時，就應醒水急急腳走人。這句「appreciate」其實跟人家讚女孩子「kawaii」一樣 — 只是想無咁hurt地話佢唔靚。人很多時侯會主觀地interpret別人的說話成自己想聽見的message，而失去了中肯地分析的能力。所以做一個好的聆聽者是很難的，因為你要完完全全neutral地接受對方的說話而不受自己的perception影響。

心情感到失落除了因為自己做了傻仔外，還有的是工餘時間的寄托一下子沒有了。我的人生從此每週多了4小時，有多少唔習慣。由始至終，除了自己的滿足感外，只是想幫她一完夢想。可惜連年的外憂內患，今日仍然是夢還是夢。球隊停滯不前的原因，是沒有進步成winner。所有球場上的勝利者，像籃球的MJ跟曼聯領隊費爵爺，都是有著一種winning mentality。他們總有幾場波幸運地射入了buzzer beater或在補時4分鐘入球反敗為勝。你可以話佢符碌，但符碌而又要champ到就一定是幸運之神眷顧外再加上實力。你看史篤城可唔可以符符碌碌贏個英超冠軍？記得有一次我在球場上大嗌「符碌係無兩次架！」今次金融海嘯更讓我領會到凡事都是講probability。極低可能的事情都會發生，呢D叫tail risk，但發生就只此一次。再發生多次就表示本身個model是錯的。同樣道理，當你十次輸人九次 (就算每次都只是輸一分半分)，但對手今日輸俾你，係你符碌。唯有有朝一日你跟人家真真正正打成十次只輸五次，那才代表你的「model」已經不同了。

在你做得到之前，如果只是想著「差少少啫！」，就唔會認真去檢討自己再重新改良。只有好好地接受失敗，這樣你才會謙虛地反思究竟衰D乜？「成功」是要多方面配合的。正如讀得書多唔代表可以成為成功人士，打波技術好不代表就可以稱霸。大家技術層面上都是香港頂尖的了 (年年入playoff就代表唔係符碌)， 咁大家有無諗過真係差D乜？點先可以變得更強更強？五五波點先可以贏多過輸呢？

一日諗唔到，贏唔贏到聯賽都只可以拜託運氣……