世界是公平的嗎 – 我們都錯了

一直以來，我們都認為(希望？)世界是公平的。「人人平等」這類二十一世紀人權革命式的口號在現今社會著實流行。普遍的人(包括我) 認為，在文明社會中的法律、法治，社會輿論、立法會議員、人權組織等等…….的群體監察下，有錢人窮人上等人賤民在社會上的機會是平等的。

這其實是00年的internet bubble和08年的sub-prime bubble後另一個人為自己呃自己的bubble。

自古以來，由西方的帝國主義到中國的帝王制度，有權有錢的人就是高人一等。這是人類社會的特點。如果用「有錢人比平常人著數得多」來做個statistic regression，「有錢人比平常人著數得多」這hypothesis肯定可以pass through 99% confidence level。

在statistic的世界裡，data collection中很多時有一些outlier。比方說，在戰爭或暴亂時，有錢有勢的人的「著數」就會exponentially飆升(當然你能否在戰爭中keep住D錢又是另一問題…)恰恰在第二次世界大戰後，香港光復並發奮自強成亞洲四小龍之一至80及90年代香港經濟起飛時，有錢人的advantage又被拉回一個特別低的level。正如mean reversion所預測，經過多年的太平盛勢，最近大家再香港又再次見識到什麼是「有錢人大晒」！

1) 董事禁售期一事在城內大孖沙一齊簽幾個名、登幾日報紙頭版，就可以臨時hold起，改到D富豪們滿意啦，再慢慢實施。你看平日工聯會、民主黨、職工盟在街邊閒閒地收集到10萬8萬個簽名，又有那一次政府會咁順攤讓條路俾普羅市民？

2) 小李生(a.k.a.光頭白癡) 擺到明「洗橫手」種票私有化008。表面證供證據確鑿到無人有，佢仲要衰格到plan好要私有化後再pay dividend俾自己so that唔單止買嘢唔駛俾錢仲有人倒貼。結果呢？全香港無人吹得佢脹，証監只係識拖、拖、拖，到幾時？有朝一日有一單再杰D嘅新聞出現，D記者唔得閒再理呢D「舊聞」，咪靜靜雞由佢囉…… shhhhhhhh！！李察哥，係你將自己變成人見人憎的香港過街老鼠，如果有一日你成為灣仔橋底阿婆打小人的第一位，我會感到很欣慰。

如果你係008股東，又或者平日比有錢人「棟」你唔少，就只有怨自己投錯胎啦！「有錢人大晒」係人類社會的真理，大衛打倒巨人哥利亞只是跟中六合彩頭獎一樣咁好彩數的萬中無一。