近年來一個為全香港人話圬就是地鐵年年賺錢但唔知點解都年年加價的「可加可減」機制。為了平息「民怨」，地鐵最鍾意做即日第二程九折，但又做一陣又唔做一陣 — 近來又完了。 取而代之是甚麼？ 第一、生日之星。這其實已推了幾個月，我以為只要是我生日月份就可以去 counter 拿生日優惠，去到一問原來每個月只有一日咁大把的「生日之星」，其餘30日生日的朋友？Sorry 乜都無！   第二、在第二程九折優惠完結後，新推出的是: 1) 每個月 AND 2) 第一個 AND 3) 星期六 成人可以以小童價搭車。 本來見到「生日之星」整個月只得一日已經唔多順超，點知再推一個又係咁！真心嬲！ 政府一直以來讓地鐵發展上蓋物業去幫補，令它們年年賺大錢；現在回饋乘客，就小家成咁。我不知道地鐵的管理層點諗，但他們真的認為乘客會為這大多數人拿不到的優惠而多謝你嗎？以「生日之星」為例，每個月有一個人會多謝你份生日禮物，但全個月剩餘無得攞優惠的30人都在葡萄，齊齊「cher~~~」你一聲。至於那個甚麼甚麼星期六優惠，香港推行了五天工作制多年，星期一至五打工仔日日一定搭地鐵返工 (隨時仲要搭好遠)，你就乜優惠都無；專登揀大家唔一定要搭地鐵的日子送優惠，講到尾其實只是想週末多d人搭，認真多謝晒~~~ 老實講，優惠俾得咁孤寒，倒不如唔好俾啦！你當全香港人乞兒咩！ Please come and like my Facebook Page if you find my blog interesting: https://www.facebook.com/platosays

Read More 地鐵你當我哋乞兒咩