遊完十六湖後，終於來到這次旅程的重點！
首先，點解我們要揀9月這個時間來克羅地亞？最決定性的原因是，我們看中了它們由9月中開始的 truffle season！而當我們由十六湖來到黑松露小鎮 Buzet 時，這個周末就剛好是為慶祝這一年 truffle season 揭開序幕的 truffle festival！
我們來到 Buzet 除了觀摩truffle festival外，最重要的mission當然是勁食黑松露！
作為一個香港的中產，黑松露就梗係食過，不過個少少幾片就幾百幾千港紙咁賣，每次食的時候我就真係有點被人當成水魚的感覺。所以今次來到黑松露之鎮，好想見識吓究竟黑松露有幾好食。
來到 Buzet 的第一晚，黑松露有幾好食我唔知，但就已經感受到係呢到黑松露有幾抵食！有圖有真相，咁落法，d 黑松露好似真係唔駛錢咁！以我這個 pasta 為例，原價 200 幾 Kuna (HK$270)，加 (咁X多) 黑松露貴 100 Kuna (HK$130)；係香港，我估加一片黑松露已經要 HK$100！
第二日出發去 truffle hunting 之前，先吃一個全黑松露 brunch。頭盤這塊麵包可以叫做碎料，區區那一片黑松露。之後個黑松露炒蛋才是主打。
你睇d黑松露多到…… 當那些蛋落入那一大鑊的黑松露時，你可以試想下你去澳洲牛奶公司食個火腿炒蛋時有幾多 cheap cheap 火腿，現在這個黑松露炒蛋又有幾多貴到爆的黑松露？！d黑松露多到我都不知道應該叫它做黑松露炒蛋，定蛋炒黑松露？！
可能是我天生犯賤，當我連續吃了兩餐黑松露大餐後，第一覺得其實黑松露都唔係好好食啫；第二開始聞到黑松露的味道就有點滯滯地的感覺！我估這個旅程後我需要 take 番一個半年的黑松露 break！
Please come and like my Facebook Page if you find my blog interesting: https://www.facebook.com/jailbreakplato
Platoooooo's Blog 