在 Dubrovnik 優哉悠哉過了幾日，是時候出發向北去 Split。小弟在 Dubrovnik 的幾天都不用開車，重新出發當然又變得手騰腳震。不過，我的問題主要是在於開車停車的時間，在 highway 上飛車就絕對無問題！   正當我非常愉快的在異國的公路上飛馳、一邊在聽著鄧雞為我們挑選的陳奕迅精選時，突然遠處有兩位警察阿叔指我駕車埋一邊 — 停車、熄匙、駕駛執照。乜事？？？我們五位樣貌端好的有為青年，唔係以為我哋走私、販毒呀嘛？？   警察阿叔用他的有限英文叫我落車，然後拿出佢支槍…. 唔駛驚，係雷射槍啫！話我超速，仲好仔細話我知條路時速限制是 70km，支雷射槍的讀數是 90km，所以我是超速了… (潛台詞：係咪抵罰先？) 然後好 so 咁同我講：本來抄牌盛惠 300 Kuna (約 HK$400)，但如果你肯現在即磅，半價！(潛台詞：係咪好抵先？)   真係㗎？！我聽到感動到呢… 差D想捉住佢隻手跟佢講：嘩，有無咁多謝… 囉？我其實都無乜得揀，個 HK$200 又費事拖啦，就當自己當黑，即磅。   磅完水攞返張單上車走人時，又見到警察阿叔捉人… 咦，又係一個租車客中招！看來，這兩位警察阿叔擺明就是專門係度裝9我們這些旅客！DLS！   不過，「即磅半價」似乎是東歐這一帶的慣例。旅程後段時我在 Slovenia因為拍咪錶位忘記了入錶，又食了張牛肉乾；但原來張罰單寫明，一星期內去交罰款，又是半價！結果全個旅程吃了兩張牛肉乾但只需付一張的價錢，好~~抵~~噢~~   Please come and like my Facebook Page if you find my blog interesting: https://www.facebook.com/jailbreakplato

Read More 波斯黑克自駕遊(五)：牛肉乾即磅，半價！