9天的行程轉眼就過，來到最後一天。雖然昨晚上了 Citadella，又因為坐不到尾班電車所以都幾夜瞓，但布達佩斯 (Budapest) 的多瑙河 (River Danube) 這次說再見後不知何時才能跟你重遇！所以我就決定趁 Cam 還在被竇裡眠眠之時，早早出來沿著這詩情畫意的多瑙河跑個靚步！ 可能因為袋著鬼咁大部的 Galaxy Note，又或者時差的關係，跑得其實有點慢，比自己目標跑少了一座橋。不過無所謂啦，just relax！！ 晨早又再次在河邊經過國會大樓，在晨光之下看感覺又有點不同。 這條北邊的 Magaret Bridge 這幾天一直都沒有機會經過，今日專程安排一開始就經過它過河，包保不會錯過！ 遠眺 Castle Hill 我昨晚就是搭唔到你！！今日我跑步，你請我都唔搭，哼！ 回程本來想走再南點的 Liberty Bridge，不過因為跑得慢不夠時間所以就由 Elisabeth Bridge 折返。 Google Earth 認真偉大！雖然我帶任何 GPS 去計自己的途程，但我在 Google Earth 上一 plot 就知道自己當日行行走走共8km，還可以弄這個跑步路線 3D rander 版！ —————————————————– 好啦，我這個死唔斷氣的東歐遊記終於完了！即使大家覺得唔多好睇、唔多吸引都好 (我相信大家一定唔會咁諗啦！)，東歐真是十分迷人，high recommended！！

Read More 東歐遊之廿四、臨別慢跑多瑙河 (完)