英格蘭八強出局

事先張揚，睇死英格蘭無冠軍命 (https://jailbreakplato.wordpress.com/2012/06/10/england_cannot_win/)

昨晚捱到2點幾都要睇英格蘭對意大利的8強戰，就是因為驚英格蘭就咁 bye bye，話晒自己都是英超粉絲，始終對英格蘭隊波是最熟的。

睇完這場波就更肯定自己之前的評論是正確的。遇著這隊都不是打得十分好的意大利隊，射門次數竟然可以是9比35！係9比35！！！有無搞錯？！控球比率少過4成，我諗如果英格蘭是次名出線對西班牙的話，控球比率會否少過20%？？朗尼 (Wayne Rooney) 公認英格蘭最勁，在英超「也文也武」，頭兩場分組賽要停賽大家講到英格蘭就唔識踢波咁，結果停賽期滿後這兩場國際賽影都無。中場兩位防中柏加 (Scott Parker) 和謝拉特 (Steven Gerrard) 這幾場比賽輪流踢到70分鐘就抽筋，又話英超是最激烈的聯賽，體能咁差？隊中又無人換，一換已經是軒達臣 (Jordan Henderson)。大佬，佢係利記 (Liverpool) 都不是正選，如何對他寄予厚望？

就算昨日讓英格蘭僥倖守和兼射贏12碼，都無可能可以就這樣子的實力「碌」多兩場拿冠軍吧？！