去年第一次跑渣打的半馬，時間2小時6分多，心中暗暗許下下屆要跑 Sub-2 (即2小時以內)。 大半年過去，2013半下半年越來越忙，最多只可以繼續每星期打打籃球，連優閒點的高爾夫球都打不到，更何況去練要充滿意志的半馬拉松！到農曆新年前才總算忙完了，但光陰飛逝，離渣馬的日子只剩下不足一個月！ 我心裡沒有忘記 Sub-2 這個目標，但也已經打定輸數，明年再試。 雖然向前進一步有難道，但都不可以輕易往後退！尤其是今年殺出了 Insanity 細妹，以她一身的人魚線，在半馬線上緊追著我！我話晒都跑了幾年步，打了n年波，又身高手長腳長過佢，不是一年就被她追過嘛！所以縱使我今年只是抱著志在完成的心態，最後這個月都要谷一谷保持著做阿哥的尊嚴！ 以前我部 Samsung Galaxy Note 鬼咁大部，所以練跑我拿起部 iPod 就走；去年年尾換了部國產紅米，細部了反而可以帶著跑。裝了個 Nike+ 的 app，一邊跑，它會每公里幫我報時，對控制我的步速大有幫助！ 練到最後一個星期，雖然距離都只是最多跑到 17km，但 Nike+ 顯示我們 12km 前步速可以到每公里5分30秒樓下，計計數，半馬跑 Sub-2 是要每公里平均跑5分40秒，所以如果 keep 得住這速度，其實是可以跑到 Sub-2！ 如果 keep 得住的話。 我練到 17km 已經開始腳軟，肯定 keep 唔住啦！ 不過，諗諗吓要跑 Sub-2 都唔係無辦法。根據我跑過那寥寥無幾的半馬經驗，不論我前段當 10km 賽咁跑，還是想留前鬥後，到最後的 5-8km 都一定是跑到無力，因為我劑劑都臨急抱彿腳練跑，根本都未練到有那份長力。但既然我跑 10 公里多d的距離可以 keep 到5分20多秒的速度，計落只要我最後的幾公里跑到6分鐘以內，都有可能可以跑 Sub-2 喎！ 既然如此，何不搏一搏？ 最多拖住隻腳行番終點！ 定好策略，就看比賽當日的表現了！當日一起步我就半馬當十公里跑，目標是前段要跑平均5分25秒一公里。跑落感覺狀態不錯，在葵涌貨櫃碼頭 U-turn […]

Read More Sub-2的策略