看音樂劇
好久沒看過musical了！
雖然我們只有幾天在倫敦，但當然要去睇！用盡我們在倫敦空閒的夜晚，可以看兩套！我揀一套EC揀一套。其實最有名的幾套音樂劇我都睇過 (雖然內容已不太記得清楚)，所以上網做了些功課後，揀了套新一點的Wicked。它稱自己做「The Untold Story of the Witches of Oz」，顧名思義是綠野仙蹤 (Wizard of Oz) 的變奏版，由一個天生異於常人的綠色女巫帶出個故事。又幾好睇喎！d歌都幾好聽，比我的預期還要好。如果你去倫敦的話，我覺得這是可以一看！
當然，如果你從未看過那幾齣聞名天下的音樂劇，如Phantom of the Opera、Lion King、Mama Mia，那些會是正路點的選擇，所以EC就揀了Les Miserables。不過我覺得有點可惜的是，「Les Mis」的電影版上映了才不夠一年，它的故事我還記得很清楚，除了欣賞比幾位電影明星唱得好的演員的歌聲外，就少了一點神秘感囉，好像無咁好睇了……
幾年沒有到外國的歌劇院看劇，完來規矩都已變了！以前是歌劇院內是嚴禁攝影 ，今時今日香港的幾個劇場仍然是，但原來現在倫敦的歌劇院已經是可以在開場前後隨意拍照！我初初見到旁邊的觀眾這樣做時還心裡想：「咁無文化架！」原來 out out 地的是我！
現在人人手上都拿著一部手機 + 相機出街，要阻人拍攝越來越難，又或者這個年代讓人多拍幾張放上 facebook 仲好宣傳。倫敦的歌劇院算不算是跟著時代的洪流演變呢？
又唔係好貴喎
這次來英國，其中一樣很驚奇的是：原來d嘢又唔係好貴喎！
我記得上次來還是讀大學的時候，當時在美國消費已經比香港貴，但來到英國時發覺原來仲貴！在美國賣 US$100 的貨品，這裡都是賣「100蚊」，不過是英磅不是美金！
今次由香港過來，比較之下，又不覺得好貴。例如，出街正正常常食一餐飯，香港現在閒閒地都要 HK$100 以上啦，倫敦食都是 £10 多一點，計番數 HK$120，跟香港相差不遠。朋友帶我去吃了一餐好一點的意大利餐，點了支酒，4個人每人 HK$350，我上星期4個人去《煲皇》打邊爐叫了些啤酒都每人 HK$250 啦！
我想是因為香港的物價不知不覺間飛升得太多了！大家樂一個午餐，我畢業後剛開始返工時只是 HK$20 多元連飲品，上星期我叫最平的免治牛肉飯加凍檸茶已經是 HK$35，貴了3成！以前的十蚊麵、十蚊店實情已經是十二蚊麵、十二蚊店，都加了2成！相反，英國經歷了金融海嘯後，我估想加到不敢加價啦，所以物價水平就維持在咁上下。
不過，香港仍有個好處，就是你想食得平，都仍有不少選擇。黃昏時候去到北角、西環的麵包店，你仍然可以趁收舖前HK$3 買到一個雞尾包醫肚，又或者上面提到的十二蚊麵，計落都只是 £1，要慳家的，選擇一定比倫敦多！
Please come like my Facebook Page if you find my blog interesting: https://www.facebook.com/jailbreakplato
Platoooooo's Blog 