玩轉3周1/2

之前三色台未能得到奧運會的播影權，就準備了幾套重頭劇加全台總動員拍了這個《玩轉3周1/2》，再銀彈攻勢狂派銀紙。

吹到咁行，等我對這《玩轉3周1/2》有d憧憬，相信大家同我都一樣！以為有幾勁，睇了3集，果然係勁… 廢！我的反應跟家燕姐一樣：啞咗。

玩番EYT式無聊鬧劇，還吹話係大家最愛看的台慶趣劇。咩年代呀？？如果EYT的鬧劇仲work的話，我今時今日晚晚10:30就應該仍在看EYT！當年你們三色台為EYT落幕是有原因的，我們觀眾是不斷進步的，10多20年前淘汰了EYT，難道現在會忽然向後退又再鍾意起來？以前就話娛樂選擇少，夜晚睇EYT輕鬆吓。大佬，這個年代我們看的是3D《蜘蛛俠》、IMAX《蝙蝠俠》！仲睇你們無端端不知所謂掟蛋糕？連尖沙咀大富豪都要執時，三色台你竟然夠膽死以為求其整幾齣鬧劇可以滿足觀眾們？

TVB，你有無任何創意架？？？你有無進步過？？？

就算兩間免費電視台都播不了奧運，我情願煲碟都唔會睇這個不知所謂的《玩轉3周1/2》；現在明珠國際有得播，即使只是播些我最無興趣的舉重、拳擊等等，十次裡面我都會十次揀睇奧運！