金滿庭 Blacklisted

週日晚上一家人出去食晚飯,見落雨濕濕,便提議在Times Square泊車兼食飯。上openrice睇睇有什麼好食,見金滿庭有100多個笑臉,老爸又說那店是「常滿」,便撥個電去問問。 「喂,唔該,我想訂9點鐘4位。」 「先生,唔好意思,我哋只係做6點及8點半訂抬。」 (OK, fine…) 「咁請問我宜家嚟4位要等幾多張抬?」 「唔好意思,先生我唔知你哋幾點鐘到,答唔到你。」 「咁如果我宜家呢一刻到,會係第幾張?」 「唔好意思,先生我唔知你哋幾點鐘到,答唔到你。我哋宜家嗌到80號。」 (OK, let me try another way…) 「咁請問宜家攞到幾多號飛?」 「你哋幾多位?」 「4位。」 「先生,唔好意思,我唔知你幾時到,答唔到你。」 (WHAT THE…!!!) 「我知!我又唔係要你宜家留張飛俾我,我只係想知如果宜家嚟攞抬會係幾多號啫。」 「唔好意思,先生我唔知你幾時到,真係答唔到你。我哋宜家嗌到80號。」 (#$*%#$%*&#$&) 「乜你哋咁唔customer friendly?我只係想知你哋嗌到幾號飛啫。」 「唔好意思,我唔知你係邊,答唔到你。」 「你哋咁樣做生意,分明趕客啫!算啦,我宜家唔嚟你哋到食啦!」 「唔好意思…」 先旨聲明,雖然openrice上有不少食評話金滿庭態度欠佳,我對這位小姐的禮貌是沒什麼挑剔的。不過,不是一句「唔好意思」就可以撻死人!我打你一身然後好誠懇講句「唔好意思」得唔得?我真係唔明,她為什麼就是不可以講我知嗌到幾多號?我又不會得到什麼advantage,真是激死人兼R晒頭…… 如果你是金滿庭老闆又正在讀我這篇牢騷,請看我以下兩個conclusion: 1) 如果你個staff自己選擇這樣應付客人,佢好有問題,完全不懂生意之道 2) 如果是你叫個staff這樣應付客人,你好有問題,完全不懂生意之道 In any case,金滿庭 is on my blacklist now,直至另行通告。

Read More 金滿庭 Blacklisted

小甜谷

星期日晚睇完《我不快樂》,有點意猶未盡。細妹提議到西環新開的小甜谷試試,聽說那裡的mocha奶凍好正。 小甜谷座落在泓都旁邊,那一帶近年成為了附近最新興的「食街」,除了小甜谷外還有幾間餐廳跟pub。小甜谷用了純白色的裝修,晚上店內燈火通明,加上兩層高的樓底,顯得分外突出。我是很喜歡高樓底的,空間感大得多了,人也覺得特別舒適。 走進小甜谷最搶眼的便是牆壁上掛滿了數十張城中名人的光顧照片。立時給我「嘩!咁多人山長水遠都來食喎!」的感覺,一下子給這裡加晒分,就似踏進了一間名牌店,眼尾不期然在睄有沒有什麼特別嘉賓在嘆甜品。 等了數分鐘後有枱坐底,又有幾張名人照片貼在我身邊,不過……咦!余文樂在整電制?小儀在搬芒果??Theresa在攪牛奶???好像有點不對勁……跟細妹說,她帶點不屑的告訴我:「谷」是谷祖琳嘛,所以這麼多明星幫這裡拍照…… No wonder這麼多靚相!霎時間realize所有都是假的,覺得被人坤了!對這裡的好感一掃而空,頓時間連室內的燈光都覺得暗了!這擺明是欺騙我的信任,讓我天真的以為那班香港的大忙人,云云甜品店不揀而特地來到這偏遠的西環谷食甜品……原來全是假的! 你可以批判是我自己虛榮心作祟,盲目跟風明人效應。係,我認呀!但是我不喜歡被人理用我這心態來坤我!係咁架啦,我就係咁矛盾,你可以話我打橫來講,每個人都有自己的double standard架啦! 至於那個mocha奶凍,食落去的確唔錯……我是指他們用的那些北海道牛乳唔錯咋!這comment是不是biased?你諗諗啦!

Read More 小甜谷