邊個係阿蘇經理人?自刎呀唔該

阿蘇,最近一年最hit的電視飲食紅人,風頭蓋過周中師傅 + 韜韜 + 蔡 san… 阿蘇主持的節目「蘇Good」,大受歡迎,添食完又再添食。不特止港澳四圍走介紹美食,更親自下廚教人煮番幾味她的撚手小菜。 人紅,自然財源滾滾來,香港藝人最賺錢的方法係乜?拍廣告也。阿蘇當然唔輸蝕,先拍了百X的幾個系列,全部用佢純正惡死能瞪招牌樣,無壞。 近來扭開電視發現又多了一個美X廣告,她身穿白中帶粉的恤衫,襯上一副烚熟狗頭的笑臉,唱著歌讚美美X的小菜…… OH MY GOD!!!錯…… 錯晒! 1) 如果美X咁好食,我為乜捐窿捐罅跟阿蘇去搵美食 2) 如果阿蘇你認為美X咁好食,我駛乜睇你教我煮小菜 3) 如果阿蘇你真係認為美X咁好食,我會對你所有其他節目中心水推介好懷疑 無論個廣告的產品與風格,都是跟阿蘇走的路線格格不入。這就似叫一個洗頭水代言人剃光頭。It is just a massive, massive~~~ marketing error! Whoever幫阿蘇接呢個廣告,下次唔該用個腦分析下 please!唔係請你嚟做乜?

Read More 邊個係阿蘇經理人?自刎呀唔該