港股由32,000跌到14,500，全世界金融制度爆煲，美國五大投資銀行一夜消失，美國及歐洲經濟將步入衰退潮…… 你恐懼嗎？ 股市千點千點的碌下來，四周看淡之聲不絕，13,000、12,000、……甚至回到SARS時的8,000點的大淡友都有。向上看的呢？沒有…… 你恐懼嗎？ 你今天看見恆指兩天來大插近2,000點，早前夢寐以求的心水股跌得如此吸引，買啦！！！一星期後，帳面上已蝕了20%，賣唔賣好？……如是者repeat，repeat再repeat…… 你恐懼嗎？ 我恐懼。 所以我覺得股市差不多見底了。 ＊等一等，我只是一個在一間破產銀行打工的小嘍囉；我沒有放時間去讀上市公司的年報；我就像你一樣，每天讀陸叔曾淵滄黃國英石鏡泉的專欄，人話淡就驚，人話好就心雄。Hm…好似無乜理由你要信我。 但我在想： 1) 當全球所有政府都瞓身救市，齊心合力的情況簡直只有外星人襲地球時才會再見到。如果咁都救唔番，美國歐洲都要破產，你買唔買都是死路一條。 2) 十個人中十個喊淡，係唔係有點似曾相識呢？30,000點時，十個人中十個喊好 3) Warren Buffett開始做嘢！入股GS跟GE每年收10%股息（恨死隔籬！）仲用私己錢買。都係quote番佢老人家最喜歡那句：「在別人貪婪時要恐懼, 在別人恐懼時要貪婪」 4) 衰退<>跌市。股市可是常常走在經濟之前 咁係唔係要買？ 如果你讀了上述數百字就開始想入市，請重讀上面打了＊那一段。一個咁嘅人講幾句你就想買，我勸你都係乖乖地收好D錢係銀行。 我會唔會買？會，但只敢買少少。 因為我恐懼。

Read More 你恐懼嗎？