話說1月1日商台《叱吒》頒獎禮，話劉浩龍 (師兄) 等了7年先有得出碟，再等了8年先有機會上《叱吒》個台，憑《爛命鴛鴦》摘下「專業推介叱咤十大第六位」。上了台還要「實踐承諾」向好友藍奕邦及周國賢下跪。 其實，又什麼特別？尤其是在今年的《叱吒》。 根據維基百科： 「林保怡加入娛樂圈以前，曾經為消防員，後因覺得消防工作沉悶，轉為投考加入警隊，成為警員，服務4年。另外，13歲開始參與業餘樂隊，15歲左右為半職業鼓手，18歲成為一位歌手的鼓手。由於有音樂的底子，在結束消防員和警員的工作之後，曾任唱片公司的製作統籌，1987年得到葉德嫻賞識其歌唱才華介紹入行。」 (http://zh.wikipedia.org/wiki/%E6%9E%97%E4%BF%9D%E6%80%A1) 大家記唔記得，其實林保怡係唱過歌，仲前前後後出過9隻碟！(又係維基百科講嘅) 咁計落，林保怡先至係今界苦等最長的「歌手」(雖然他在得獎時話他是「演員」) — 他自1987年，共等了26年才憑「年少無知」得到第一首《叱吒》歌，還要是「叱咤樂壇我最喜愛的歌曲大獎」的大大大獎！！！ 你話，相比之下，不論等的時間和獎的份量，師兄，你算得什麼？ =P

Read More 師兄，你算得什麼？

相信《寒戰》是2012年下半年最多人期待的港產片。一來戲中演員星光熠熠，劉德華都只需要做「友情客串」就夠了；二來早大半年已經在戲院裡見到勁賣預告片，個大鋼又講到好勁咁！ 不過，睇得電影多，最怕就是見到些電影一開頭吹到好大。吹到咁大，最後通常就是收唔到科！根本就無辦法用合理邏輯去解釋。結果觀眾行出戲院時不是「啤」一聲就是「DIU」一聲！ 《寒戰》還有一個令我擔心的因素，就是個個演員都話一見到劇本就覺得個故事好得，一定要拍。有無咁 hard sell 呀？成件事搞到好似是個局咁… 話雖如此，戲，都是要看的。 開戲的30分鐘，我已經暗暗感到大鑊。點解？因為預告片的情節已經全部出晒！ 梁家輝：「一個城市，可以無咗 ICAC，定可以無咗警察？」 梁家輝：「香港係唔容許有挾持警察嘅事件發生，一次都唔可以！」 劉德華：「非常時期，用非常嘅方法！」 李治廷：「呢個好可能係屬於我們哋時代嘅水門事件。」 梁家輝：「警察最大嘅公敵，從來都係自己人。」 郭富城：「我唔可以俾班犯知道，我哋因為佢，要反轉香港。」 即是一係所有最好睇的情節都已經用上了；一係套戲真係好得，是但剪頭半個鐘的精華已經夠晒吸引觀眾入場。咁你話，你的經驗通常是哪一種多？我好肯定 — 是前者…… 讀到的影評都是讚《寒戰》節奏緊湊無冷場、題材新穎、演員做得好… 這些評價我都認同。如果我不帶個腦入戲院的話，我應該都會被洗腦話套戲好好睇。但當興奮過後，腎上線素減退，個人開始用番個大腦思考時，你會發覺《寒戰》「好睇」是因為戲裡有很多懸疑，一個接一個，好緊湊。但你行出戲院時，究竟有多少個是有答案的？ (以下真的有很多劇情，未睇套戲的請三思才繼續讀下去！) 點解要炸旺角百老匯？無交代過… (我睇完全套戲後差點忘記了有這一幕……) 杜文 (尹子維) 女朋友在電影的開頭被一班人擄走了，點解？之後影都無……無交代過… D賊點解咁神通廣大在劉傑輝 (郭富城) 去俾贖金時，好似全程裝了天眼，去到哪個路口都知？如果話是因為劉Sir身上有 GPS 而警隊有內鬼的話，GPS 點會連他甩鞋帶都知？導演是否畫蛇添足？ 用剩了的5000萬贖金，揾一架「狗車」幾個警察送回去就算？大拿拿5000萬，咁求其？ (我當時已經話我是個賊，打劫那5000萬啦！錢又多d，又無人跟… 果然… 難道我是做警察的天才？！) 第一次向 ICAC 告密的是誰？如果是李Sir個仔李家俊 (彭于晏)，希望借 ICAC 捉劉Sir 黃腳雞踢他落台，點解 ICAC 可以拿到只有劉Sir接觸過的人格調查 hard copy (劉Sir 見到就即刻話要揾律師) ？難道是劉Sir的橋？ 劉Sir在 ICAC 被盤問時打電話去問 Phoenix (楊采妮) 查誰人？我初初以為是查 […]

Read More 寒戰 (含大量劇情！)

十月八日 晴 今天是去看香港棟篤笑王子黃子華「洗燥」show 的大日子！今次他由坐得4000多人的灣仔伊館，移師有12000多位的紅館！還要是連開10場，可以講是香港棟篤笑最勁抽的一次！ 平日去紅館睇演唱會多，例牌不到八點九不開場。但棟篤笑… 應該無乜需要準備，不用八點九先開場吧… 醒目的我事先問好已去笑餐死的朋友仔： 「喂，黃子華幾點開場呀？」 「八點三左右好入場啦！唔係會 miss 咗個 video，好好笑呀！」 收到！ 為了不用餓住睇 show，就要將 show 前食飯的時間推前一點，七點在紅館旁邊的國際都會廣場等啦！ 7:02pm 到達國際都會廣場，好想食上海菜，去後面那間上海飯店先 7:05pm 哦… 原來間舖叫《又一店小籠包》，門口已經見人龍，不過我照樣先登記。望見張登記紙，嘩… 要等成員七、八張枱，等到都不夠時間食啦！ 7:09pm 上一層去 food court，心想坐住等其他人來。入到 food court… 從未見過咁人山人海，咩事呀？！每個店前起碼排了十多人，我都不知道我應該先等位還是先叫食物？距離開 show 只有一個小時，又唔遲得… 我決定過火車站買最快捷方便的：麥…當…奴…！ 7:17pm 過天橋去到火車站，一入大堂望上二樓的麥當奴，已經大叫一聲「唔啦係呀嘛～！」坐扶手電梯上到去… 得！無事！立刻掉頭落返去！ 7：20pm 徬徨的我，餓著肚皮，站在大堂中心。洋洋一個紅磡火車站大堂，竟然無我肚皮容身之所！我好似電影橋段般360度自轉…… …… 終於讓我見到黑暗中的救星！ 大… 班… 麵… 包…！ 7:22pm 行到入大班，現場好似之前蝗蟲駕到般，麵包櫃差不多被搜掠一空！只剩下幾件麵包。我稍一猶疑，又一件被人拿走了！當下我二話不說走過去，看見兩件叉燒包，心想我們三個人可以分了它們。就是這一秒鐘的遲疑，旁邊的大嬸已經捷足先登右邊那叉燒包了！！我立刻使出我的擒拿手，將餘下那一個一手拿下！還將麵包櫃上其他食得的麵包都全拿掉了！都只是買到4個麵包3個人食… 如果我再遲5分鐘入大班，就只能買到那些白方包乾啃了！ 8:08pm 入場了。看了這麼多次紅館 show，都未試過竟然食唔到飯！！我唯一想到的理由，就是太多人去睇黃子華，而 showtime 是在八點三不是八點九，所以大家就逼在一起吃晚飯了！ 講到尾，都是黃子華你太受歡迎的錯！ 我好肚餓呀！ 「回水！！！除褲！！！」

Read More 黃子華，都是你的錯？

之前三色台未能得到奧運會的播影權，就準備了幾套重頭劇加全台總動員拍了這個《玩轉3周1/2》，再銀彈攻勢狂派銀紙。 吹到咁行，等我對這《玩轉3周1/2》有d憧憬，相信大家同我都一樣！以為有幾勁，睇了3集，果然係勁… 廢！我的反應跟家燕姐一樣：啞咗。 玩番EYT式無聊鬧劇，還吹話係大家最愛看的台慶趣劇。咩年代呀？？如果EYT的鬧劇仲work的話，我今時今日晚晚10:30就應該仍在看EYT！當年你們三色台為EYT落幕是有原因的，我們觀眾是不斷進步的，10多20年前淘汰了EYT，難道現在會忽然向後退又再鍾意起來？以前就話娛樂選擇少，夜晚睇EYT輕鬆吓。大佬，這個年代我們看的是3D《蜘蛛俠》、IMAX《蝙蝠俠》！仲睇你們無端端不知所謂掟蛋糕？連尖沙咀大富豪都要執時，三色台你竟然夠膽死以為求其整幾齣鬧劇可以滿足觀眾們？ TVB，你有無任何創意架？？？你有無進步過？？？ 就算兩間免費電視台都播不了奧運，我情願煲碟都唔會睇這個不知所謂的《玩轉3周1/2》；現在明珠國際有得播，即使只是播些我最無興趣的舉重、拳擊等等，十次裡面我都會十次揀睇奧運！

Read More 玩轉3周1/2

(上回講到… https://jailbreakplato.wordpress.com/2012/04/11/bride_wannabes/ ‎) 無計啦！原來個節目好似得10集，這種話題之作，有話題性時不講，過了氣再講就太遲了！ 如果3月的香港是屬於特首選舉，那麼4月就一定是屬於這一班盛女！如果一個人被人講壞話是真的會打乞嗤的話，這星期Florence一定打到停不了口！ 無論你覺得個節目有多麼假，反正你就是在「罵罵聲」中看了。這星期任何聚會都避不了會講起這斑盛女，基本上我無一個朋友唔識 Florence！做到這種100% penetration rate，認真犀利。正如每一屆港姐唔理靚唔靚，都一定要有一個是非精； reality show都一定要有一個充滿talking point的character才可能成功。所以不要理Florence有幾唔掂，反過來看，如果個節目沒有了Florence，根本不會有這種hype！我相信連Florence自己都無想過會如此被三色台「翹起」，做了香港開埠以來盛女界的人辦！我反而想在此為她默哀…… 至於那班「教練團」，之前星期x檔案做「港男」、「港女」時已經見識過香港人起底能力又快又準，所以早應該預備會被人由頭起底起到腳。估不到三色台又認真發揮它的「是但」精神，求其揾番同一班人，結果被人插到上心口。上次才 show off單身有多好，今次又調轉槍頭教人溝仔。講真，我們一班觀眾真的 don’t give a sh!t 你鍾意食自己還是被仔溝，只是這樣子做出來的「專業」形象很難令人信服。就好似你看電影，明明個大茄上一幕才講晒對白轟轟烈烈地戰死沙場，下一幕又見到他活生生在扮演主角的軍官，連唔到戲！ 對這些reality show，奉勸大家無謂太認真。俗語有云：「睇戲唔好駁戲」。你話無人做媒才叫出奇！講到尾三色台才是大贏家，有人氣、有收視、有廣告，幾happy！ Btw，在各「導師」之中，我最鍾意就是睇Auntie Mei Ling，句句到point，好有道理！我200% 肯定她一定真的是做match maker！

Read More 盛女愛作戰 (又講？)

在美國，這種 reality show 真是已經多得如洪水般泛濫。香港倒是少見，難怪 EC 話今早見到辦公室的清潔阿嬸都跟她講這個。 5位女士們的樣貌條件如何見仁見智，況且「冤豬頭都有盟鼻菩薩」，阿 Beast 都有 Beauty，我身邊亦有高質素的女士們依然單身。所以怎麼樣的人都可以找到另一半，有時侯只是緣份未到。 我好有興趣到底是什麼令這5名盛女願意拋頭露面，做這樣一個真人 show 的主角？要知道雖然三色台好好人稱呼她們為「盛女」不是「剩女」，但說穿了，整個 show 的 selling point 就是賣她們無人溝！那份「無人要」的感覺依然強烈。這不是如電波少年或者 Apprentice (sorry 我其實很少看真人 show) 當中，參賽者「出賣」經歷；這一次她們要出賣的其實是自己的自尊，在全香港700萬人面前表現出自己最失敗的一面！究竟她們付出這一個 (我覺得) 不輕的代價，去追求一樣怎麼樣的東西？ 真的是為了找到自己下半生的幸福在所不計？純粹玩吓？想改變自己？想出吓名？

Read More 盛女愛作戰