地鐵西港島線通車，對在薄扶林區住了超過廿年的我簡直是等到頸都長過長頸鹿啦！雖然我喜歡坐巴士多過地鐵，但連小弟自己都開始懷疑這其實是不是我自我製造的一個 myth，去抵銷多年來屋企無地鐵坐的失落？因為自從上個月廿八號通車而來，我差不多次次出街都是搭地鐵！無他嘅，好似上次要去旺角，搭架 970 行西隧，又不必上上落落好似好化算，但我又驚出了西隧在佐敦會塞車，一塞車我在架巴士內就無計可施，諗諗吓都是揀了搭地鐵，穩陣點。
不過西港島線通車對我都有壞處。我家門口本來有架直達中環的 M47 巴士，但地鐵一通車就被取消了，取而代之是一條新路線 43M。少了家直達中環的巴士都算啦，最過份的是以前出中環承惠 $5.1，但這條新路線 43M 只是去到堅尼地城站，就要收我們 $5.3！加埋搭地鐵的話，出到中環要超過 $10！有無搞錯呀！43M 的班次不比 M47 密，而且現在只走石塘咀 <-> 田灣，成條路程整日都不會塞車，相比以前常常在西環、上環、中環塞車的 M47，要用的巴士一定較少。
咁樣屈我們這些小市民的機，越短越貴，真係好過份！
城巴 M47: http://zh.wikipedia.org/wiki/%E5%9F%8E%E5%B7%B4M47%E7%B7%9A
城巴 43M: http://zh.wikipedia.org/wiki/%E5%9F%8E%E5%B7%B443M%E7%B7%9A
Please come and like my Facebook Page if you find my blog interesting: https://www.facebook.com/jailbreakplato
Platoooooo's Blog 