前言
過去的一年，小弟到一間半公營機構 (即係「政府」d friend 啊) 做個 project。一年過後，離別在即之際，有感而發，我的感受是……
走到走唔切呀！
這一年間見識到這裡某些人的做事和生存方法，我只可以講一句：百樣米養百樣人！
第一樣人：無驚無險 又到5點
「無驚無險，又到5點」是各位打工仔夢寐以求的生活，可惜絕大部份都享受不到這份奢華。但在政府或者這些半公營機構，你就有機會啦！記得當年有同學在教育局做暑期工，放工時間是5點，他說4:30pm 就有同事叫他執野，5:05pm 都未走的話就有同事來趕他走！你有無試過老細5pm趕你放工呀？
如果你5:30pm (這裡的 official hour 是到5:30) 站在我們公司門口，你5:31pm 開始就見到一浪接一浪的人潮離開公司。
其實我對此又不太反感，反正做得公家，大家都知道是但求安穩；只要你準時走不會連累我要幫你執手尾的話，我也無乜所謂。不過，有些同事確實是超厲害，真的可以每一天準時都5:30pm就踏出辦公室！
我只可以說他的 time management skill 簡直是到了神級！
第二樣人：點解我要係屋企做公司嘢
我在這家半公營機構做的 project 是重新建立那個已經10年沒有翻新、還是在用 flash 的網站。(PS：in case 你不知道，基本上所有手機都開不到 flash 的，所以他們的舊網站是手機 unfriendly 的) Project 去到中後段，要約各個部門的相關同事，做個 training，教他們如何在新網站更新資訊。
在其中一個 training，同事A聽了我們的講解後問：如果我有資料需要每年在1月1日在網上更新，可以預先設定嗎？她應該是聽到了我們剛才講解 event module 時，見到有這個功能所以問起。但很可惜，這些基本資料更新是沒有「預設」功能的，不過她可以在12月31日在公司裡先做好了要更新的資料，在網站中 “Save as Draft”，然後只要1月1日在家裡登入，將那 draft 正式登出來就可以了，前後不需要花多過三分鐘。
聽到這裡，她冷冷的說一句：「點解我放假要係屋企做嘢？」
(hm… 我都想知，不如你問你老細？)
我說：「咁不如你31號就放上網，或者2號返工一早就放上網？」
她說：「唔得喎，d資料1月1日生效我哋要立即放上網。」
(咁你咪做囉…)
我就話：「咁呀… 其實只要你31號係公司事先準備好，1號好簡單，唔駛5分鐘就搞掂。」
她再說一次：「1月1日我放假，點解要係屋企做嘢？」
頂！你無嘢呀嗎？你唔想做咪同你老細講囉！唔好係度發我爛喳！況且放假晒你個 5分鐘咁大把，唔駛咁嘅態度呀嘛！而家周街都有人放工都要 check blackberry、check email 啦！
今時今日咁嘅工作態度，真係只有呢種公營機構先容得下！
(待續…)
Please come and like my Facebook Page if you find my blog interesting: https://www.facebook.com/jailbreakplato
Platoooooo's Blog 